رحلات سياحية بتحب السفر كتير؟ خصوصا السفر الى الخارج و مش عارف افضل الأماكل اللي تزورها أو احسن الأكلات المشهور بها كل بلد؟ بتدور عن رحلة بميزانية بسيطة؟ سيقوم خبراؤنا بإرشادك لتحقيق أقصى استفادة من رحلتك.

إزاي أشارك في اسأل؟

Esaal.me هتسهل عليك كل خطوة لطرح اسألتك بسهولة

1- اختار المجال
2- اكتب استفسارك
3- تواصل مع الخبير الخاص بك

أسئلة شائعة

إزاي ممكن أقلل من ميزانيه السفر بتاعتي؟

اول حاجه لازم تعرفها ان اي ميزانية سفر بتتكون من 5 حاجات أساسيه الرحلة و الإقامة والتقل والمعالم السياحية والأكل عشان تقلل من الميزانية لازم تعرف هتصرف قد ايه في كل حاجة من الحاجات دي
اول حاجه الرحله وده اهم عنصر في اي رحله سياحية عشان كدة محتاج تعرف الوقت المناسب عشان تحجز بسعر كويس .
الإقامة ممكن تقلل من تكلفتها عن طريق السكن في مساكن الطلبة او الفنادق اللي ميزانيتها محدودة.
النقل لازم تشوف المعالم السياحية اللي هتحب تروحها وازاي ممكن تروحها وايه المواصلات المتوفره هناك وده بيكون عن طريق الانترنت.
المعالم السياحيه و عشان تروح تشوفها لازم تشوف تكلفه كل مكان سياحى عشان تدخله وايه اللي يناسب الميزانيه الخاصة بك.
واخر حاجة الأكل وده بيكون برضه عن طريق الانترنت انك تعرف الاماكن الي تكلفتها معقوله وايه المطاعم المحلية الي في البلد.

يعنى اية تأشيره شنغن؟

شنغن هي تأشيرة بتخليك تدخل 26 دوله في أوروبا و تتمثل الدول في إسبانيا ، البرتغال ، فرنسا ، إيطاليا ، ألمانيا ، النمسا ، سويسرا ، أيسلندا ، الدنمارك ، لوكسمبورغ ، هولندا ، بلجيكا ، مالطا ، إستونيا ، لاتفيا ، ليتوانيا ، جمهورية التشيك ، المجر ، بولندا ، سلوفاكيا ، سلوفينيا ، اليونان ، السويد ، فنلندا والنرويج.
في انواع من تأشيره شنغن :
اول نوع هو اللي بيسمحلك تعدي من المطار وده معناه انك هتسافر في المنطقه الدوليه الخاصه بالشنغن من غير دخولك المطار الخاص بمنطقه الشنغن.
النوع التاني بكون نوع للعبور وده بيكون غالبا للبحاره الأجانب اللي بيحتجوها عشان بيعدو على المواني وبيقفو فيها لوقت قصير.
النوع الثالث هو اسمه تأشيره قصيرة الأجل وده بيخلي الشخص يعيش لفتره محدوده جوه منطقه الشنغن.
واخر نوع بيكون تأشيره وطنيه وده للطلاب او الي بيشتغلوا بشكل دائم في اي بلد من بلاد الشنغن.

إزاي ممكن اجيب تذكره الطيران بأحسن الأسعار؟

اكتر رحلات الطيران اللي بتكون سعرها عالي بيكون بسبب ان الرحله مكتمله العدد و عشان تجيب تذكره طيران بأحسن سعر حاول دايما تحجز قبل معاد رحلتك ب 3 شهور على الأقل عشان تضمن ان يكون عندك وقت بعدها وقبلها لو حبيت تغير المعاد.

حقائق

رحلات سياحية

لو كنت بتفكر تسافر قريب ومش عايز تشيل هم التأشيره فا دي اهم 8 دول ممكن تزورها من غير اي اي مشاكل, كل الي محتاجه هو حجز التذاكر بس.

  1. لبنان
    تشتهر لبنان بجمالها الرائع وتنوعها وكمان بتتميز بشعبها الي بيحب الناس بطبعه ,ثقافه لبنان وتاريخها هيخلي اقامتك فيها تجره ماتتنسيش ومن اهم مميزاتها انك ممكن تروح أهم معالمها السياحية في أسبوع واحد بس وممكن أقل كمان! أهم المعالم هيا مغارة جعيتا ، جونيه ، هريسة ، بعلبك وجبيل.بالنسبه لتأشيره لبنان فا ممكن تاخدها اول ماتوصل مطار بيروت مقابل 25 دولار بس,وطبعا لازم يكون معاك 2000 دولار وحجز الإقامة.
  2. كيب تاون في جنوب افريقيا.
    كيب تاون هي مدينة من المدن القليلة الي موجوده في العالم الي بيجتمع فيها الشواطئ والجبال والحدائق وأراضي رمليه وكمان مناظر طبيعية كتير وفيها انشطه كتير ممكن السياح يمارسوها زي القفز بالحبل والقفز بالمظلات والغوص مع أسماك القرش وحاجات كتيره غيرها,ممكن في اسبوع يكون عندك اماكن كتير وانشطه اكتر تعملها في كيب تاون ,بالنسبه لتأشيرة جنوب افريقيا فبتكون مجانية لحاملي الجنسية المصرية هتقدم الورق والجواز في سفاره الخاصه بالبلد في المعادي وبتاخد التأشيرة بعد اسبوع واحد بس.
  3. موريشيوس
    تتميز موريشيوس بشواطئها الرمليه البيضاء وبحيراتها الي بتمتاز بلونها الأزرق الفيروزي ثقافتها الغنية وجوها الجميل موريشيوس هي جزيره بتقع في المحيط الهندي وممكن تتمتع بكل الشواطئ والمناظر الجميله وكمان من اهم الي بيميزها Black River Gorges National Park ,وغابتها المطيرة والشلالات والحياة البرية.تأشيره موريشيوس بتكون مجانا لأي مواطن معاه الجواز المصري وطبعا بيتم سؤالهم عن مكان لإقامة ولو كان معاهم مبلغ كافيه للرحلة.
  4. فيتنام
    لو كنت بتحب تمشي لمسافات طويله في حقول الأرز وفي الجبال وبتحب منظر خليج Halong لو مهتم بالطبيعة والتقاليد والثقافة فا فيتنام لازم تكون وجهتك .تأشيرة فيتنام بتكون بقيمه 25 دولار لاي مواطن معاه الجواز المصري بعد ما بيوصلهم خطاب دعوة عن طريق الأنترنت قبل مابيوصلوا فيتنام .
  5. بالي ، اندونيسيا
    جو غريب ,اسلوب حياه بسيط ومتواضع, أكل سبايسي وحراق وتراث غني كل ده ممكن تلاقيه في بالي في أندونيسيا هتتبسط بالشمس والجو الحلو ومناظر طبيعية كتير. اي مواطن بيحمل جواز مصري بيدخل اندوسيا مجانًا, بتحتاج تقدم مكان الإقامة وبرنامج الرحله للظباط في مطار هونغ كونغ.
  6. ماليزيا
    ماليزيا بتقع في جنوب شرق اسيا, هي مزيج حلو جدا من الثقافات , بتتمتع ماليزيا ب الهندسة المعمارية الحديثة والحي الصيني ومزارع الشاي واكتر مركز تسوق ممكن يلفت انتباهك في جنوب شرق اسيا , ماليزيا برضه بتعتبر دوله استوائية جوها دافئ, وبرضه هتلاقي شواطئ كتير بتخلي عندك فرصة للغوص في شرق وغرب البلاد.اي مواطن بيحمل الجواز المصري بيدخل ماليزيا مجانًا . ومفيش اي وثقائق مطلوبة.
  7. هونج كونج
    لو كان في مدينة لازم تروح تزوها في جنوب شرق اسيا فا هونغ كونج هي المدينه المناسبه عشان تزورها,بتشتهر هونغ كونج بأسم "مدينة آسيا العالمية " بأجواءها وبأنها أكثر المدن حيوية في العالم. ولو مكنتش من محبين الأمكان الزحمة ’ فا ممكن تهرب منها عن طريق زياره المواقع الثقافية .اي مواطن بيحمل جواز مصري بيدخل هونغ كونج مجانًا, بتحتاج تقدم مكان الإقامة ورنامج الرحله للظباط في مطار هونغ كونج.
  8. تايلاند
    لو كنت بتحب الثقافات القديمة بس برضه بتحب الحفلات المجنونة والحياه الليلية والأكل الحلو فا تايلاند بشواطئها البيضاء هتكون انسب مكان لرحلتك. ممكن اي مواطن بيحمل الجواز المصري ياخد التأشيرة التايلاندية من السفارة الملكية التايلاندية في القاهرة في 3 أيام عمل مع تقديم المستندات المطلوبة ودفع رسوم التأشيرة.

مساعد الخبير
متصل الان